KABANATA 8:
TINAWAGAN KO SI LEIA. Nakakatawa mang pakinggan pero iyon ang ginawa ko. Hiningi ko kay Mama ang number niya kasi sa pagkakaalam ko, binigay niya 'yon bago siya umalis. Kay Mama niya ibinigay ang number niya na dapat talaga ay sa akin. E ako naman ang tutulungan niya at hindi si Mama!
Imbes na pumunta sa botika, tinawagan ko na lang si Jelay para sabihan siya na hindi na naman ako makapupunta. Sandamakmak na sermon at mura na naman ang natamo ko galing sa kaniya pero wala naman akong magawa kundi ang tanggapin ang lahat ng 'yon dahil totoo naman at dapat naman talagang sermonan niya ako. Huwag lang sana siyang magsasawa.
“Ano? Akala ko ba hindi mo kailangan ang tulong ko?” Pairap-irap pa na tanong ni Leia nang makarating siya sa sinabi kong meeting place namin. Dito sa may i
