KABANATA 9:
HABANG UMIIYAK SI NOMI hindi ko naiwasang mag-iwas ng tingin sa kaniya. Sigurado na ngayong may mga parte siyang binago sa orihinal na nangyari.
Naalala kong ganito rin iyong nangyari noon, ang paghagulgol at bawat luhang pumapatak sa mga mata. Lahat ng 'yon, naging dahilan kung bakit ako naawa. At kung bakit ako humantong sa puntong sumuko ako. Minsan ginusto ko na lang na sana e mabilis ko lang na makita ang nakaraan ng bawat taong tutulungan ko, ngunit hindi pwede. May mga limitasyon ang bawat kakayahan. . . at ang limitasyon ko ay ang hindi iyon makita lahat.
“Kung hindi mo sasabihin ang lahat, walang mangyayari, Nomi. Paulit-ulit, pabalik-balik siya sa 'yo,” dagdag pa Leia.
Bumuga ako ng malalim na hininga at saka matapang na ibinalik ang tingin kay Nomi. Kailangan hin
