KABANATA 10:
“O, BAKIT NAKABUSANGOT KA R’YAN?” takang anong ni Mama pagkapasok na pagkapasok ko sa loob ng bahay.
Imbes na pumunta sa botika, hindi ko na lang ginawa dahil nanghihina talaga ang buong katawan ko. Gulong-gulo pa rin talaga ang utak ko nang dahil sa nakita kong memorya ni Nomi. Hindi ako makapag-isip nang maayos at kung pupunta lang ako sa botika nang ganito ang nasa isip ko, baka sawayin lang ako nang sawayin ni Jelay.
“Matutulog muna ako Ma,” sagot ko.
At saka ko lang naalalang hindi nga pala ako nakatulog nang maayos mula kanina na tumawag si Nomi. Hindi niya ako pinatulog tapos hindi rin naman pala siya nagsabi sa akin ng katotohanan. Iyon ang masaklap!
Napabuntonghininga ako. Kahit kalahating araw pa lamang ang lumipas, feeling ko ang dami na ng nangyari ngayong ar
