"Si Zandro!" Gulat na banggit niya sa pangalan ng lalake at mabilis na tumayo mula sa kinauupuan.
"Ziyah!"
Sabay pang tawag sa kanya nina Julio at Wilson. Hindi niya pinansin ang mga ito. Si Zandro ang importante sa kanya.
Nagtuloy siya sa paglabas ng komedor, habang patuloy ang pagtawag sa kanya ni Julio, para pigilan siya. Walang makakapigil sa kanya pagdating kay Zandro.
Nandatnan niya si Zandro sa may sala. Napahinto siya nang mapatitig sa nakatayong binata. Pinakiramdaman ang sarili. Abnormal na naman kasi ang kabog ng kanyang dibdib.
Napakagwapo ni Zandro sa suot na light blue polo na chinese collar at navy blue trouser and leather shoes. Napaka elegante at pormal nitong tignan, malayong-malayo sa pormahan ni Wilson na parang walang gagawin mabuti. Pakiramdam nga niya tumigil a
