"Yes, Ziyah mahal kita, kaya nga pinakasalan kita at binigay ko sa iyo ang pangalan ko," tugon nito at humakbang palapit sa kinatatayuan niya.
Narinig niyang lumakas ang kabog ng kanyang dibdib. Ganito naman lagi ang naririnig niya sa tuwing malapit sa kanya ang asawa. Kinakabahan siya na hindi maipaliwanag. Lalo na sa tuwing sinasabi nito ang damdamin nito sa kanya.
Hindi siya nakatugon sa sinabi nito. Madalas kase sa tuwing about sa damdamin ng asawa para sa kanya ang pinag uusapan ay nais niyang makaiwas.
"Ziyah," tawag nito sa pangalan niya at hinawakan siya sa kamay.
"Ayokong pag awayin pa natin si Nikka," sabi nito.
"Eh di sabihan mo siyang huwag kang dikitan, may asawa ka na. Isa pa Mayor ka at Vice Mayor siya sa bayan na ito. Ano na lang ang sasabihin ng mga tao sa paligid pag
