ANG KAWALANG TIWALA
JANINE ROICE POV.
NAKITA ko ang kakaibang reaksyon ni Daddy… isang mabilis ngunit hindi matatawaran ang pagkabigla, nang tumambad sa kanya ang lalaking sinasabi ni Mr. Cezar, kasama pa nang tiyuhin nito. At ayon sa reaksyon ng ama, parang may masamang alaala siya sa mga taong iyon na pilit niyang itinatago.
“Kilala nyo po sila, Chairman Ruins?” tanong ni Mr. Cezar, mahinahon ang tono pero halatang pilit lamang niyang pinapakalma ang sarili… hindi rin maikubli ang panginginig ng mga kamay.
“Hindi,” mabilis na tugon ni Daddy, sabay iwas ng tingin. “Ngunit… familiar ang tiyuhin mo.” pahabol niyang sagot.
Hindi ako kumbinsido. Kitang-kita ko sa bawat reaksyon ng ekspresyon niya na hindi iyon ang katotohanan. Tiyak ko… kilalang-kilala niya ang lalaking iyon, pati ang ka
