ANG PAGLAYO
CEZAR POV.
KAILANGAN kong manatili sa tabi ng akin ina habang nagpapagaling siya. Isa pa bumabalik na rin unti-unti ang ilang bahagi ng alaala ko, pero hindi lahat. Paulit-ulit kong iniisip kung sino ba talaga si Jack… dahil ramdam kong hindi ako ang taong inaakala ni Romiel na Jack.
At tungkol naman kay Ms. Janine Roice… hindi lang dahil utos ng tiyuhin ko na ligawan siya. May kung anong t***k sa dibdib ko na nagsasabing siya ang babaeng matagal ko nang minamahal. Pero ang nakakagulo sa isip ko… bakit pati siya hindi ko rin maalala?
Pinatay ko ang cellphone ko. Hindi ko iyon bubuksan hangga’t hindi lubusang magaling si Mama.
“Anak, bakit mo bigla na lang pinutol ang kontak mo sa mga Del Fuego?” tanong ni Mama, puno ng pag-aalala. “Paano si Janine… paano ka niya matatawaga
