PAGPATAY SA DALAWANG KAAWAY
JAMILLAH POV.
ARAW ng binyag ni Baby Janine Roice, ang pinakaaabangang selebrasyon ng pamilya. Dumalo ang buong tropa ni Ninong Ruins, pati ang Lady Group, mga malapit na kaibigan, at kapamilya sa magkabilang panig. Hindi na kailangan ng engrandeng imbitasyon; sapat na ang pagkakaisa at pagmamahal para mapuno ang buong simbahan ng tawanan at kwentuhan.
Halos lahat ay nagpahayag ng kagustuhang maging ninong at ninang. Lahat ay nagprisinta, sabik na maging bahagi ng buhay ni Baby Janine Roice. Nakakatuwa tingnan, pero halos mapangiti ako habang tinititigan ang listahan… hindi na yata magkasya sa isang baptismal certificate ang dami ng pangalan.
“Malugod kaming nagpapasalamat sa inyo ni Ninong,” aniko, ngunit agad ko rin nilinaw, “ang magiging ninong at ninan
