Book 2: LOVE AGAINST THE RAGE
JANINE ROICE POV.
SINABI ko kay Angel na iwanan niya muna ako rito sa kubo. May pupuntahan daw siya at nais niya akong isama, ngunit tumanggi ako. Ayaw kong lumabas at magtungo sa bayan. Mas pinipili kong manatili rito… payapa, malayo sa ingay ng paligid.
Maganda ang paligid, nakakaakit ang mga tanawin, at sariwa ang hangin. Lumabas ako sa balkonahe at tumayo roon. Nasa paligid ko ang nagtataasang mga puno, tila inaalagaan ang mga iyon, sapagkat sobrang linis. Masasabi kong ito ang tinatawag na virgin forest ng kagubatan.
Medyo mataas pa ang sikat ng araw mula sa kinaroroonan ko, kahit lampas alas-kuwatro na ng hapon.
Pumikit ako, lumanghap nang malalim, at marahang ibinuka ang aking mga bisig. Ninamnam ko ang bahagyang lamig ng hangin. Gusto ko ang luga
