ANG PAGPAPANGGAP
JANINE ROICE POV.
NARINIG ko ang dalawang sunod-sunod na putok… malakas at tila yumanig sa buong silid. Ganun din sa buong pagkatao ko, at kundi ko nagawang takpan ang aking bibig, baka napasigaw ako ng malakas.
Pakiramdam ko din parang biglang lumiit ang mundo ko at nilamon ako ng matinding takot. Gusto kong lumabas mula sa pinagtataguan ko, alamin kung sino ang tinamaan, kung may nabuwal at kung may namatay. Ngunit hindi kumikilos ang aking katawan. Nanginginig lamang ako, parang unti-unting tinutunaw ang natitira kong pag-asa.
Paano kung si Mr. Cezar ang tinamaan? Paano kung patay na siya? Kung gano’n, sigurado akong ako ang susunod.
Napasinghap ako nang biglang may humila sa akin mula sa dilim. Ayaw ko pa rin dumilat… habang pilit na kumakawala sa mahigpit na pag
