Max’s POV
Tatlong araw na ang nakakalipas at mabuti naman naging tahimik ang buhay ko, wala nang manyak, wala nang magpupumilit sa akin na maging cover girl at model ng isang fashion magazine. Half day lang ang klase ko dahil may meeting ang mga professor sa department namin para sa darating na program na gagawin namin sa susunod na buwan.
Dumiretso na muna ako sa the Blooms office para ibalik doon ang mga gamit ko na hindi ko kailangan iuwi sa bahay, naroon din ang ilang mga officials ng the Blooms, kaso may sarili silang mundo kaya hindi nila ako napansing pumasok, maliban sa isa, si Corazon.
Agad siyang lumapit sa akin nang makalapit ako sa lamesa ko, “may pasok ka pa ba?”
“Wala na,” sagot ko sa kanya habang inaayos ang gamit ko.
