KABANATA 8:
MAAGA akong umalis at lumuwas papuntang Laguna. Alam ni Daddy iyon dahil sinabi ko. Hindi ko nga alam kung bakit gusto nitong i-update ko siya. Para na din mapanatag ito ay sinusunod ko na lang. Kinausap ko pa iyong ilang tauhan sa opisina ng Panteon tungkol sa request ko. Nanatili ako ng ilang oras doon para antayin ang urn ni Mama.
Mabuti na lang at hindi nasayang ang araw ko. Nagawa nila agad ang request ko. Pag-abot sa akin ng kulay gray na urn ay tila nanumbalik sa akin iyong mga panahong naghihingalo na siya. Wala akong magawa kundi titigan si Mama. Umiiyak ako habang kinukuha na siya sa akin.
Niyakap ko ang urn niya at naluha ako. Mabuti na lang iniwan din ako ng mga tauhan sa Panteon. Para akong tanga na kinakausap ang abo ni Mama.
“Ma, sorry... ngayon lang... k-k
