KABANATA 26:
RIX POINT OF VIEW:
SABI NGA, NASA HULI ANG PAGSISISI, masyado iyong nai-apply kay mama kaya alam kong hanggang sa huli ay pinagsisisihan niya ang lahat ng nagawa niyang kasalanan. Kung kailan nagsisimula pa lang siyang pagsisihan ang lahat, at saka naman siya nawala nang hindi inaasahan.
Hindi ko alam kung ilang oras na akong tulala magmula nang makarating ako sa unang araw ng burol ni mama. Hindi na ako makaiyak dahil magdamag na rin naman akong umiiyak dahil sa mga nangyari. Napagod na ang mga mata ko dahil sa labis na pag-tulo ng luha mula rito at pagod na rin akong mag-isip.
Ako ba ang may kasalanan ng lahat?
Siguro nga, kasi nagpadala ako sa lahat ng plano ni Denzel. Natuklasan kong may naging kaugnayan pala si mama sa mga magulang niya, na naging kabit pala ni mama
