KABANATA 8:
RIX POINT OF VIEW:
BIGLA AKONG NANIBAGO, mula pa kasi kaninang alas-singko ng umaga na sinundo ako ni Denzel, hindi na ulit siya nagparamdam. Madalas na nagtetext iyan kapag alas dos na ng tanghali para kumustahin kung gising na ako at pupunta na siya dito sa apartment para dalhan ako ng pagkain. Pero ngayon, kahit simpleng, "Hi," wala akong natanggap mula sa kaniya. Sobrang naiinis na ako dahil nakarating na lang ako sa trabaho e, wala pa rin talaga siyang paramdam. Siguro nakipagdate na ang lalaking 'yon! Hindi malayong iyon nga ang nangyari, knowing na ang ganda ng porma niya kanina.
"Bakit ang haba yata ng nguso mo r'yan?" Pang-aasar pa sa akin ni Nena.
Kahit kailan talaga, ang galing nitong tumayming pagdating sa pang-aalaska na madalas e, hindi nakakatuwa.
"Ewan ko
