KABANATA 39:
RIX POINT OF VIEW:
PAGKATAPOS KONG DALAWIN si Denzel sa kulungan, dumiretso ako sa bahay niya para doon mag-stay nang ilang araw. Kahit ilang beses na akong pinagalitan ni Sixto, na umuwi na ako, hindi ko siya pinakinggan. Nanatili ako roon at inalagaan ang mga bulaklak. Inihabilin din ni Denzel na ibenta na ang flower shop niya dahil wala nang mamamahala. Ayaw ko man ay napilitan akong gawin iyon dahil sa totoo lang ay maski ako, walang ganang mag-alaga ng mga bulaklak sa mga oras na ito.
Iyong mga bulaklak na natira sa flower shop ni Denzel, itinanim ko sa hardin niya. Kaunti na lang naman ang natira kaya hindi na ako namroblema. Hanggang ngayon ay nalulungkot pa rin ako sa nangyari, sa naging desisyon ni Denzel pero sa tuwing naiisip ko na ginawa niya iyon para sa akin,
