KABANATA 17:
RIX POINT OF VIEW:
KAAGAD NA INI-LOCK KO ang pinto ng apartment ko nang makapasok ako sa loob. Inis na inis ako dahil sa ginawang pagsisinungaling sa akin ni Denzel. Hindi ko matanggap na magagawa niyang magsinungaling sa akin. O baka kasi nasanay lang talaga ako na hindi siya nagsisinungaling? O baka unti-unti nang lumalabas ang totoong ugali niya? Nakakasama ng loob. Sa halos kalahating taon na relasyon naming dalawa, ngayon ko lang napagtantong wala pa akong masyadong alam tungkol sa kaniya. Sa sobrang pagtitiwala ko, hindi ko manlang naisip na puro ako na lang ang nagkukwento sa aming dalawa. Hindi ko siya hinayaang magsabi sa akin. Ni hindi ko siya pinilit na magkwento dahil abala ako sa tungkol sa akin. Isang beses na pagsisinungaling pa lang 'to pero ganito na ako kun
