Si Gavin na ang nagbayad kay Manang Padyakera at nagpaalam na ito habang hinabilinan kaming magbati na. Bumalik na ito sa dinaanan namin samantalang sa hindi kalayuan ay nakaparada ang kotse ni Gavin na minamaneho ni Benjamin.
Nakabukas na ang ilaw sa may gate pati na sa loob ng compound na pagmamay-ari ng ama ko. Kahit sa labas pa lang ay tila kastilyo talaga ang dating nito.
“Patawarin mo na ako, Det,” lambing sa ‘kin ni Gavin. Halatang basang-basa na ang suot niya sa pawis. Gayunpaman ay zero effect iyon sa kaguwapuhan niya, hindi nabawasan. Sa halip ay tila mas hot pa siyang tingnan⸺literally and metaphorically speaking.
“Oo na. Sorry din sa mga sinabi at sa inakto ko.” Napababa ako ng tingin at marahang sinundot-sundot ng dulo ng sapatos ang malaking haligi ng gate.
“It’s okay, ro
