“LOOK WHO’S here!” may kalakasang wika ni Lucas para maagaw ang atensiyon ng ibang mga kaibigan.
“Buhay ka pa pala,” natatawa namang biro ni Santiago na tumayo para salubungin si Karzon.
“Buti naman at nagkaroon ka rin ng oras para magpakita,” ani Wilbert na may hawak pang red wine sa isang kamay nito.
“Akala ko, hindi ka na naman pupunta,” ani Lian nang lapitan ito sa table na kinaroroonan nito.
“Hindi naman talaga ako dapat pupunta, baka ma-miss naman ninyo akong masyado kung hindi pa rin ako magpapakita rito ngayon,” ani Karzon na naupo sa isang bakanteng upuan. “Ano bang mayroon ngayon dito?”
“Wala naman,” sagot ni Lucas. “Gusto lang mag-pa-party ni Teody. Alam mo na, walang magawa sa yaman niya.”
Akala naman niya ay kung ano na ang mayroon at halos naroon lahat ang mga kilalang
