NAPABANGON agad si Tanya nang magising siya at makitang nag-aagaw na ang dilim at liwanag sa labas ng bintana.
Hindi man lang siya ginising ng kaniyang asawa. Idadahilan na naman nito na ang sarap ng kaniyang tulog nang hapong iyon. Pero mukhang sobra-sobra naman dahil padilim na sa labas ng bahay.
Nagbawas lang si Tanya ng panubigan bago ipinasya na lumabas na rin sa silid nilang iyon ni Karzon. Siguradong maghahapunan na.
Dumaan pa siya sa silid ng kanilang mga anak para silipin kung may tao roon. Ngunit wala na ang mga ito roon.
Tahimik ang loob ng bahay. Wala siyang naririnig na ingay mula sa kaniyang mga anak.
“Daddy? Uno? Dos? Tres?” tawag niya maging sa mga anak nila ni Karzon nang makarating sa unang palapag ng bahay. Pumunta siya sa kusina. Wala ring tao roon. Maski mga kasam
