***LEREN’s POV***
“Babs?” Mahinang yugyog ni Xalene sa aking braso. Dumating siya agad sa bahay pagkatapos ko siyang tawagan kanina lamang.
Nakaupo ako sa ibabaw ng kama ko, yakap ang mga tuhod, at nakasubsob ang mukha ko.
Simula kasi noong nagkalayo kami ni Zrion ay bumalik na ako sa bahay namin. Umalis ako agad sa bahay ni Kent dahil inisip ko na tapos naman na ang gulo. Hindi ko na kailangang magtago.
“Ayos ka lang, babs? Anong nangyari sa ‘yo? Hindi ba naging okay ang photo shoot mo sa Red Lace?” sunod-sunod na tanong niya nang hindi ako kumilos. Kahit payat na ako ay ‘babs’ pa rin ang tawag nila sa akin ni Corinne. Nakasanayan na nila at sanay na rin ako kaya hayaan na.
“Hoy!” Tinusok ng hintuturo niya ang tagiliran ko.
Nakiliti ako kaya napilitan na akong nagtaas ng ulo. Malun
