***LEREN’s POV***
Nalaglag ang mga panga ko nang matapos ang napakahabang byahe namin ay sa villa lang pala nina Zrion ang bagsak namin. Buong akala ko pa naman ay sa napaka-special na lugar niya ako dadalhin.
“This is where everything started between the two of us, so I want us to end here as well,” malambing na sabi niya sa akin.
May kung anong humaplos na sa puso ko. Nga naman.
Tinulungan niya akong alisin ang seatbelt ko at bumaba na kami. Holding hands kaming pumasok ng villa. At talagang natuwa na ako nang salubungin ako ng limang kuting.
“Ano ‘to?” kako na pinagdadampot ang mga baby na pusa. Pinagsama-sama ko sila dahil kung saan-saan lumalakad ang iba sa kulit. Puti silang lahat. Ni walang nahalo kahit isang kulay.
Nakapamulsang nginitian ako ni Zrion. “Mga anak sila ni Pa
