***LEREN's POV***
Humihingal si Kent nang dumating siya. At kinailangan niya pang sipain ang pinto upang makapasok siya.
"Leren, ayos ka lang?"
"Kent..." tawag ko sa kanya sa boses na nagpapasaklolo.
"Halika na," aniya na parang hindi nakikita si Zrion.
"Hindi siya aalis dito!" Nilapitan naman ako ni Zrion at hinawakan ang pupulsuhan ko.
"Bitawan mo ako, Zrion!" Inis kong hinila ang kamay ko pero hindi niya pinansin. Humigpit lang lalo ang hawak niya.
"Labag sa batas ang ginagawa mo sa kasambahay mo, Doctor Maixner!" babala ni Kent.
Nakakatakot na dahan-dahang ngumisi si Zrion nang tingnan niya si Kent. "Nakalimutan mo na yata, Mister Adriano na girlfriend ko siya at hindi lang basta kasambahay. At sa aking pagkakaalam ay normal lang na mag-away ang magkasintahan. Ang hindi norma
