"WIFEY, sa mga anak natin, sino kaya ang maunang mag-asawa sa kanila? Itong dalawang barako ay wala man lang maipakilalang kasintahan o fling man lang sana. Mas lalo itong dalaga natin lalo at nasa kolehiyo pa. Kung hindi ako nagkakamali sa pag-unawa sa pahayag ni bayaw Clyde bago umuwi ng Pilipinas ay buntis si Crystal Angela. Kaya't naisip ko ang ating mga anak," ani Patrick Niel isang hapon na nag-uusap silang mag-asawa sa sala nila.
"Ang sabihin mo ay kung may napupusuan na ba silang tatlo, hubby. Aba'y wala nga tayong nababalitaang flings tapos asawa pa kaya?" Hagikhik tuloy ni Whitney Pearl.
Tuloy napatingin siya rito kaso hindi pa nga niya naibuka ang labi ay sinalo ng anak na babae ang pagsagot.
"Tama naman po si Mommy, Daddy. Hmmm... Kasi kung ako ay magtatrabaho pa po ako sa b
