Kabanata XXVI
CELESTE
“HANGGANG dito na lang ang takbo ko binibini.”
Huminto na ang kalesang aming kinalululanan ngayon. Madilim pa ang kapaligiran at malamig ang simoy ng hangin.
“Mang Bermigio, saan po ang lugar na ito?” tanong ko sa kanya.
“Ang tanging sinabi sa akin ni Inicia ay ihatid ko kayo sa sakayan ng bus papuntang Heremia,” sagot ni Mang Bermigio.
Tumingin ako kay Simoun na wala pa ring kibo.
“Heremia?” sambit ko.
“Lugar kung nasaan ang pamilya ko,” maya maya ay wika ni Simoun.
Napatingin naman ako sa kaniya. Pamilya niya? Anong ibig niyang sabihin?
“Heto, gamitin ninyo ang perang ito na ibinigay ni Inicia. Iyana ng gagamitin ninyong pamasahe o pandagdag sa inyong mga gagastusin. Sige na, kumilos na kayo at hindi kayo maaaring abutan ng umaga dito,” sabi pa ni Mang Ber
