SUMAPIT ang araw ng Huwebes at tulad ng napag-usapan, may picnic silang lima sa bakanteng lote ng Hacienda del Martin.
"Tintin!"
Napatangla si Cristina sa lalaking magiliw na nakangiti at kumakaway sa kanya.
Si Miguel... Miguel!
Napangiti rin siya't naglalakad palapit sa gawi ng binata. Hinihintay na siya ni Miguel!
"Jacob!"
Natigilan at napawi bigla ang kanyang ngiti nang sumunod si Amber sa tabi nito.
Nandito na naman si Cristina! Nag-iilusyon na namang nakita niya ang dating nobyo! Pero ang totoo, si Jacob ang nasa harap niya't hindi ang taong 'yon.
"Oh?" napansin ni Amber ang pagdating niya. "Nandito ka na rin pala, Cristina!"
Tipid siyang ngumiti at tumango. "Oo."
"Tin, si Marcus?" tanong naman ni Loreen.
Hindi niya napansing narito na rin pala ang kaibigan niya.
"Hindi ko
