"HINDI ako maaring magkamali, siya po iyon, Attorney Agustino."
"At ang lalaking binugbog at pinahirapan nila ay ang kliyente ko bang si Miguelito Pedroso?"
"Kahit madilim noon pero maliwanag ang sinag ng buwan kaya kitang-kita ko. Si Mr. Pedroso po ang biktima."
"Sinungaling ka! Magkano ang binayad ng kampo sayo ni Pedroso, ha!" sa muli ay nagtaas ng boses si Marcus.
"Hindi ako nagsisinungaling, Sir. Isinasalaysay ko lang ang mga nasaksihan ko limang taon na ang nakakalipas dahil magmula no'ng nangyaring 'yon, hindi na ako pinatutulog ng konsensya ko sa mga nakita ko!"
"Kung gano'n pala, ba't noon palang hindi ka kaagad kumanta at nagsumbong sa mga pulis? Bakit ngayon lang? Dahil ba ngayon lang may bayad ang laway mo sa pagsasalita bilang pekeng testigo sa korte?" hamon naman ng abog
