Mabuti na lang at walang traffic kaya hindi rin nag tagal ay nakadating na siya sa Makati. Maraming reporters, pulis at ambulansya sa labas ng mall. Ang mga tao ay dinala sa ligtas na lugar at bahagyang malayo sa naturang mall. Halos kasunod lang din niya ang apat na kaibigan dahil naramdaman nalang niyang nasa likod na niya ang mga ito.
"Sir, bawal ho kayo rito. Doon lang ho tayo sa ligtas na lugar."
"Where's your captain?" tanong niya sa pulis na lumapit sa kanila. Nang hindi ito sumagot ay inilibot niya ang paningin upang hanapin ang kapitan ng mga ito.
Pilit siyang pinigilan ng kausap na pulis ngunit hindi siya nag papigil at lumapit sa Kapitan, "Good Afternoon, Kap." bati niya at ipinakita ang isang ID. Halatang nagulat ito at nang maka-bawi ay sumaludo ito.
"No need for that,
