XELLONIA POV
NAKAPASOK na ako sa loob ng master bedroom. Sobrang tahimik. Napaupo ako sa gilid at muling napahikab nang malakas.
Nakakaramdam na ako ng antok.
Paniguradong dahil ito sa pagod, sa pagliligpit namin sa gamit ni Penelope at sa gamit namin.
Napahiga na ako sa kama. Tumatama na sa aking katawan ang malamig na hangin hanggang sa hindi ko namalayang nakapikit na ako at nakatulog naʼng mahimbing.
Bigla na lang nag—blackout ang aking mga mata.
Nangungunot ang aking noo nang may maramdaman akong nagba—vibrate sa aking bandang kanang bahagi. Napabaling ako sa kaliwang bahagi, pero naririnig ko pa rin ang tunog ng pag—vibrate kaya hindi ko na kinaya dahil naupo na ako sa kama. Naniningkit ang aking mga mata na makita ko ang phone kong umiilaw.
Napahikab ako at kinuha ang akin
