“Kapag mapula na ang bawang ay saka mo ihulog ang sibuyas, hija…”
Alas diyes pa lang ng umaga ay nandito na ako sa kusina at nakikigulo. Nagluluto ako ng chicken afritada para sa aming tanghalian dahil iyon ang request ng mag-ama. Kasama ko si Nanay Lumeng para alalayan ako sa pagluluto. Hindi ko naman kaya itong mag-isa dahil sa tanang buhay ko ay ngayon pa lang ako magluluto ng ganitong putahe. Ang niluluto ko lang naman kay Chantal noon ay puro pang-almusal na nakakaya pa kahit paano kapag sinundan ang instructions sa likod ng kahon.
“Sige po, nanay. Maraming salamat po sa pagtulong n’yo sa akin.” Napanguso ako dahil sa hiya.
Kanina ay hindi ko pa alam kung paano sasabihin sa kanya na kailangan ko ng kanyang tulong. Nakakahiya naman kung maaabala ko siya, pero mabuti na lang at an
