"Magandang umaga po Ma'am Amanda," bati sa kanya ni Manang Lucita nang magmulat siya ng mga mata at makita ang kasambahay sa may paanan ng kama. Mukhang ito ang naramdaman niyang yumugyog sa balikat niya kanina kaya siya nagising.
"Pasensya na po kung nagising ko po kayo Ma'am," paumanhin nito sa kanya.
Halos pikit ang kanyang mga mata nang bumangon siya mula sa pagkakahiga at naupo sa kama. Sinulyapan ang relo sa side table at nakita niyang alas syete na ng umaga.
"Pinapagising na po kayo ni Sir Kian may pasok na daw po kayo sa eskwela ngayon," saad pa ni Manang Lucita sa kanya. Bumuntong hininga siya tumango sa kasambahay.
"Magbihis na po kayo para makasabay sa almusal ni Sir Kian," saad pa nito sa kanya bago ito lumakad patungo sa pintuan.
"Manang Lucita pwede niyo po ba kong gawa
