Hindi ito ang inaasahan niya pagkatapos ng kasal nila ni Kian. Hindi ganito na mag isa lamang siya sa loob ng silid at nagmumukmok habang ang lalaking pinakasalan niya nasa labas at nagtatrabaho na agad, ni hindi man nito nagawang magpahinga kahit isang oras man lang para makasama man lang sana siya sa bahay.
"Ano ba kasi itong pinasok ko," bulong niya sa sarili at tumayo mula sa kamang kinahihigaan.
Bumaba siya sa kama at lumakad sa loob ng silid, napahinto siya sa paglalakad nang masulyapan ang sarili sa salamin. Suot pa rin niya ang wedding dress niya at nakaayos pa rin siya. Siguro umaasa siyang babalik agad ang asawa niya at ito mismo ang maghuhubad sa suot niyang wedding dress. Dress na nga lang at hindi naman gown pero mukhang hindi pa huhubarin iyon ng asawa para sa kanya, katula
