"I'm sorry, Amanda, for putting you in this situation, kung hindi kita pinilit na sumakay sa kotse ko baka nasundo ka na ni Governor Kian o ng mga tauhan niya," paumanhin sa kanya ni Lyle habang nanatili sila sa loob ng sasakyan nito at patuloy pa rin ang pagbuhos ng ulan.
Nakatawag na rin si Lyle sa tauhan ng Daddy nito para magpasundo na at papunta na rin ang mga susundo kay Lyle. Tignan na lang niya kung sino ang mauunang dumating sa kanilang sundo, ang asawa ba niya o ang tauhan ng Daddy ni Lyle.
"Don't blame yourself, Lyle," saad niya sa kaibigan at ngumiti rito nang sulyapan ito. Alam niyang mabuti ang intensyon sa kanya ni Lyle, nagkataon lang na hindi nakisama ang kotse nito at tumirik sa gitna ng kalsada.
"Galit ba siya sa iyo?" Lyle asked.
"Sino?" Kunot noong tanong niya.
"T
