"Pareho tayo ng panaginip, Kara. At katulad mo rin, naniniwala na rin ako sa soulmate…patunay na pareho tayo ng panaginip" mahinang sabi ni Prof. Percy. Matiim ang titig niya sa akin at tila binabasa ang loob ng utak ko.
Hindi ako makapagsalita dahil sa sinabi niya. Nakanganga lang ako habang hindi makapaniwala na nakatitig sa kanyang gwapong mukha.
Nang makabawi ako sa pagkabigla ay nauutal na nagtanong ako sa kanya habang nag-iinit ang aking pisngi dahil sa hiya.
"N-napapanaginipan mo talaga ako, Sir?" Hindi pa rin makapaniwala ng bulalas ko.
Nag-iwas ako ng tingin dahil hindi ko nakayanan ang titig niya. Feeling ko, mabubuwal ako ng wala sa oras kapag hindi pa ako bumitiw sa titigan naming dalawa.
Natatakot din ako na makita niya ang damdamin na nagsusumigaw dito sa puso ko. Alam k
