WARNING: DRUGS INVOLVEMENT
CASSANDRA
Tatlong araw at tatlong gabi na akong nagpapalaboy-laboy sa maingay na kalsada ng Maynila. Kasa-kasama ko pa rin itong mga batang nakita kong namumulot ng pagkaing tira-tira sa basurahan at sa kabutihang loob, isinama nila ako sa munti nilang tahanan, ang parke ng Luneta. Noong una nila akong dalhin dito, akala ko maghahanap pa kami ng pagkain sa basurahan ngunit laking gulat ko noong sabihin nila sa akin na dito ang kanilang tulugan dahil bihira ang mga adik sa lugar na ito.
'Basta may upuan, may tulugan.' Iyon ang natatandaan kong sinabi sa akin ni Bridget, ang pinakabata sa magkakapatid. Bale tatlong bata ang kasama ko. Si Boyet ang panganay, si An-an tapos si Bridget. Sa maiksing panahon, napamahal na sa akin ang mga batang ito. Kapag kasama ko
