Chapter 16
SA PAGLABAS ni Suyen sa banyo laking gulat na lamang n’ya na nakabukas nang pang itaas na damit kaya agad s’yang napatalikod, nagulat din ang binata sa bigla n’yang paglabas, nag-iinit ang pisngi n’ya sa hindi inaasahan na sitwasyon.
“Isarado mo nga ‘yan nasa iisang silid lang tayo,” wika ni Suyen.
“Maliligo kasi ako.”
Natahimik naman ang dalaga sa sinabi ni Nikolai, dahan-dahan s’yang humarap muli sa direksyon nito, sinusubukan ng binatang hubarin ang pang itaas nito ngunit nahihirapan at napapangiwi sa tuwing ginagalaw ang kanan nitong braso.
Huminto ang binata at huminga ng malalim, itutuloy na sana ng binata muli ang paghubad nang magsalita si Suyen.
“Tulungan na kita.”
Lumapit naman ang dalaga kay Nikolai, nakatingin lang sa kanya ang binata, naiilang man si Suyen ng
