ISANG linggo ang nakalipas ay balik trabaho na si Jester. At kasalukuyang nakakulong pa rin si Polong, sapagkat mabigat at patung-patong ang kaso na isinampa laban rito. Samantalang ibinasura naman sa korte ang kaso laban sa mag-partner, dahil wala naman silang nilabag sa kanilang trabaho at matibay ang mga ebidensya na binigay nito sa korte. Hindi na nagulat ang mag-partner sa resulta dahil alam naman nila na doon pupunta ang kaso na isinampa ng asawa ni vice-mayor.
Halos sasabog naman sa galit si Mrs. Jamalon, nang malaman nitong ibinasura ng korte ang kaso na isinampa niya laban sa dalawang babaeng taga-NBI.
"Roldan! Gawan mo ng paraan para makalabas ang anak mo!" singhal na wika ni Mrs. Jamalon.
"Alam mo bang sirang-sira na ang pangalan ko?! At konting-konti na lang ay makalkal n
