WALANG nagawa ang tatlong kidnapper at dahan-dahan nilang binaba ang kanilang mga baril.
"Kapitan, ipasok n'yo sila sa kulungan habang hinihintay natin ang aming mga kasamahan," utos ni Detective Fernandez.
Kumilos ang mga tanod at ipinasok nila ang mga ito sa selda.
"Sandali!" Pigil ni Jester, dahil ila-lock na sana ang selda. "Ikaw— Halika dito!" tawag niya sa isang lalaki na sa tingin niya ay madaling paaaminin.
Biglang nag-ring ang phone ng isang lalaki na sa tanto ni Jester ay ito ang kanilang leader.
"Akin na ang phone mo!" Lumapit si Divlen sa lalaki at inagaw ang phone nito. Lahat ng phone nilang tatlo ay kinuha niya.
Biglang may naisip si Detective Fernandez. Binalik nila ang mahinang tauhan at ipinalit ang leader. Inutusan ng mag-partner ang mga tao sa loob na lumabas
