IBANG-IBA ang aura ni Drake ngayon kumpara noong nagtatago pa ito. Hindi alam ni Aleah kung paano pakikitunguhan ang binata. Parang young version lang ito ni Mr. Sancho Sebastian. Kung paano niya pinatunguhan ang dating presidente ay dapat ganoon din ang pakikitungo niya kay Drake. Pero ang kaibahan lang, humble si Drake at hindi mailap sa mga empleyado.
May tatlong putahe na nakahain sa hapag-kainan. Roast chicken, sinigang na hipon at buttered vegetables ang mga ulam. Brown rice pa ang naka-serve. Mahaba ang lamesa na mayroong labing dalawang silya. Naroon lang sila sa dulo habang magkaharap. Ang dessert nila ay abocado salad.
“What kind of dish do you love to eat, Aleah?” tanong ni Drake.
Tiningnan ni Aleah ang plato ni Drake. Konting hiwa lang ng roast chicken at konting gulay ang k
