KINAKABAHAN si Aleah sa posibleng mangyari sakaling malaman na ng lahat ang tungkol sa katauhan ni Drake. Baka mas lalong malalagay sa panganib ang binata. Hindi niya maiwasang huwag mag-alala kahit alam niya na kayang protektahan ni Drake ang sarili. Isa pang bumabagabag sa isip niya ay ang video na naroon kay Tyler. Bakit meron itong kopya ng video? At nalungkot siya sa nabalitaang namatay sa aksidente si Troy. Pero may hinala siya na may kinalaman si Drake sa pagkamatay ng lalaki.
Palubog na ang araw pero hindi man lang nakaidlip si Aleah. Lumabas siya ng kuwarto at hinanap si Tyler. Gusto niyang masilayan ang paglubog ng araw sa gawi ng karagatan. Natagpuan niya sa garahe si Tyler. Naka-swimming trunks na lang ito na kulay itim.
“Shall we go?” tanong nito.
Tumango siya. Doon na siya
