LATE nang nabasa ni Aleah ang mensahe ni Tyler. Pasado alas-siyete ng gabi na siyang nakalabas ng opisina. Hindi pa naman siya sinusundo ni Tyler kung talagang iniimbita siya nitong mag-dinner. Hindi pa naman niya nakukuha ang kotse niya dahil wala pa siyang pambayad. Natatakot na siyang mag-commute baka biglang may lapastangang pagtangkaan ulit ang buhay niya.
Hinihintay niyang magbukas ang elevator. Tinatamad na kasi siyang gumamit ng hagdan pababa. Nang bumukas ang pinto ay nagulat siya nang mamataan si Drake sa loob. Nag-iisa lang ito. Dagli itong lumabas.
“Wait,” pigil kaagad nito sa kanya.
Hindi siya natuloy sa paghakbang. Sumara na ulit ang elevator saka umandar. Nilingon niya si Drake.
“Yes, sir?” magalang na untag niya.
“Wala ka pa rin bang sasakyan?” tanong nito.
“Uhm, w-
