KINABUKASAN ay bumalik si Dylan sa tinitirhan ni Luisa upang muli itong makausap. Hindi talaga siya mapapakali hanggat hindi ito nakakausap patungkol sa nangyari. Hindi rin siya nakatulog nang maayos kagabi dahil sa minu-minutong pag-iisip. Binigyan niya ng oras si Luisa kahapon upang tapusin ang mga gawain nito. Hindi niya nais na makulitan ito sa kaniya, kaya naman ipinagpabukas na ang pagbalik sa inuupuhan nito. Bago lumabas ng unit ay idinial niya ang numero nito sa hawak na cell phone. Napakunot ang kaniyang noo nang out of coverage na ang numero nito. “Why?” he mouthed and suddenly stopped walking. Pinagmasdan niya ang screen ng kaniyang cell phone. Hindi niya nais mag-isip ng kung ano kaya naman napakibit na lamang ang kaniyang balikat. Tinungo niya ang underground parking ng condom
