HINDI MAIPALIWANAG ni Liam sa nobya ang dahilan kung bakit tumatawag si Brittany at sino ito para sa kaniya. Ilang linggo na rin kasi siya nitong tinatawagan ngunit hindi niya sinasagot. Mabait naman ang babae, subalit kahit na kailan ay hindi siya naging interesado rito. “She’s just a friend. Don’t get jealous about her.”
Sumimangot ang mukha ng nobya. “Friends, pero magkasama sa bar. Halos ayaw pang bumitaw sa braso niya,” bulong nito ngunit dinig na dinig naman niya.
Kumunot ang noo ni Liam sa pagtataka. Bigla niyang naalala ang gabi na muntik nang mapahamak si Piper. Kasama niya si Brittany noon at nakita ng nobya kung paano ito kumapit sa kaniyang braso. “Wait, paano mo nalamang si Brittany ay ang babaeng ‘yon?”
Sumimangot lalo ang mukha nito. “Kutob ko lang. Wala namang ibang ba
