CARSON
ALIMPUNGATAN ako dahil sa mahinang paghampas ng tila maliit na kamay sa aking mukha. Marahan kong idinilat ang aking mga mata at agad na bumungad sa akin ang nakangiting mukha ni Mason. Tila galak na galak ito habang panay ang hampas sa aking mukha.
“Good morning, Mason,” nakangiting bati ko rito bago marahang bumangon. Napabaling ako sa aking gilid at namataan ko ang guwapong mukha ni Connor habang mahimbing pa ring natutulog.
Habang hinihintay naming makatulog si Mason kagabi, hindi na namin namalayan na parehas na rin pala kaming nakatulog. Hindi ko naiwasang mapangiti habang taimtim na pinagmamasdan ang maamo nitong mukha. Sinamantala ko ang pagkakataong malaya itong mapagmasdan.
Kay sarap lamang isipin na kung nabigyan lamang sana kami ng pagkakataong maging mas matalino sa
