Napatingin ako kay Amara matapos kong marinig ang sinabi niya. Hindi ako makapaniwala habang tinitingnan ko ang seryoso niyang ekspresyon.
“Tatalunin natin ‘yan?” tanong ko at hindi napigilan ang pag-awang ng bibig ko. “Seryoso ka ba?”
Nilingon ko si Clastine na halos hindi makatingin sa mga bangkay na nasa harapan namin.
“Tingnan mo nga si Clastine, sa tingin mo magagawa niyang lumaban sa estadong ‘yan?” tanong ko kay Amara bago binalingan ang mga bangkay na nasa harapan namin. “Kapag nilabanan natin ang halimaw na ‘yan, dadagdag lang tayo sa mga bangkay na nasa harapan natin!”
“Wala tayong ibang pagpipilian,” mahinahong sambit ni Amara. “Kahit maghintay tayo na mapatay ang halimaw na ‘yan, mabubuhay rin ‘yan matapos ang ilang sandali. Ganoon ang Floor Boss, Leo. Wala tayong ibang ma
