Kinabukasan pinilit niya si Shawn na isama sa opisina nito. Ngayon kasi kokomprontahin ng asawa si Patricia. Nangako si Shawn na dahil sa ginawang pagbabanta ni Patricia sa kanya ay paaalisin na nito si Patricia. Inamin kasi niya kay Shawn ang mga pagbabantang sinabi ni Patricia sa kanya. Patricia wants to kill her, kaya naalarma na ang asawa at paaalisin na nito si Patricia ngayon din.
"Ayokong ma-stress ka Hainna, kaya mas gusto kong maiwan ka na lang muna sa bahay," sabi ni Shawn nang pareho na silang makasakay sa kotse nito. May inis niyang sinulyapan si Shawn at hinila ang seat belt, sinuot 'yon habang nakatingin rito.
Bumuntong-hininga si Shawn at binuhay na ang makina, sinimulan nang magmaneho. Nais niyang sumama para makita si Patricia, kahit sa huling sandali man ay makahingi
