Jessie’s POV
Alas dose y media pa lang ay natapos na kami ni Cindy na kumain. Hindi kami magkasama ni Kael ngayong lunch dahil nagpaalam na iyon sa akin kanina na hindi siya makakapunta dahil may ensayo raw sila ngayong tanghali kaya hindi na ako nag-abala pang maghintay sa kanya. Nang makarating kami sa ground ay napatingin ako sa aking kaibigan na ngayon ay kasama si Edward.
Hindi kalayuan ay tiningnan ko sila, kitang-kita ko sa mga mata ni Cindy ang saya. Hanggang ngayon ay hindi ko pa rin nakalimutan ang ginawa ni Edward na iyon sa lodge na iyon kasama ang babaeng ‘yon ngunit ako lang naman ang nakakaalam at kailanman ay walang sinuman ang makakaalam n’on. Ako lang at mananatili lamang iyon sa akin isipan.
“Tara?” ngiting yaya sa akin ni Cindy nang makarating siya sa aking harapan.
