Jessie’s POV
NAPATINGIN ako sa wall clock na nasa harapan nitong hinihigaan ko ngayon. Alas singko pa lang ng umaga ngunit gising na ako. Maraming bumabagabag sa aking isipan at inaamin ko iyon na dahil doon ay hinding-hindi ko magawang matulog nang maayos. Buong gabi ay tanging nasa isipan ko ay ang tunay na pagkataong nasa likod ng katawan ni Kalil ngayon. Hindi pa rin ako makapaniwala sa namataan ko kahapon.
Kung talagang normal na mortal lamang siya ay dapat hindi siya naroon sa lugar na iyon at gumagawa ng mga bagay na alam kong hinding-hinding kayang gawin ng mga mortal na nilalang. Kung talagang walang kababalaghang nangyayari sa likod ng katawan ni Kalil ay dapat nagagawa ko iyong basahin at hindi kadiliman ang siyang nakikita ko.
Sino ka ba talaga, Clark? Ano ang tunay na pag
