Jessie’s POV
“Ano ang ginagawa mo sa eskenitang iyon, Chantal? May nakita ka bang kakaiba?” ang tanong niyang nagpapatigil sa akin. Sa puntong ito ay ilang metro na lamang ang layo namin sa isa’t-isa.
Hindi ko na kailanman nakikita sa kanya ang dating katauhan ni Kalil. Maaaring taglay niya ang katawan ni Kalil, ang boses nito at ang kanyang mga galaw ngunit kailanman ay alam kong kakaiba ang angking plano ng lalaking ito. Kailanman ay hinding-hindi siya magiging si Kalil at maaaring ginamit lamang niya ang katawan na ito para sa anumang dahilan o plano na nais niya.
Hindi ako bimitaw sa pagkakatingin sa kanyang mga mata. Nilabanan ko ang bawat seryosong mga tingin niya. Tulad ng palagi kong nakukuha ay wala akong ibang masabasa mula sa kanyang mga mata kung hindi ang pawang kadiliman l
