[Ysa]
To: Zyrus
Zy, bakit hindi kita nakikita sa school? May-
sakit ka ba?
To: Zyrus
Huy, Zy!
To: Zyrus
Zy, galit ka pa rin ba sa akin? Sorry na. Kahit
hindi ko alam kung bakit ka galit.
To: Zyrus
Zyrus Samaniego! Hindi na nakakatuwa!
Sumagot ka naman!
“Ysa, bakit gigil na gigil ka riyan sa phone mo?” narinig kong tanong ni Claudette.
Marahas akong bumuga ng hangin at saka padaskol na inilapag sa mesa ang phone ko. Nasa canteen kami dahil oras na ng lunch.
“Eto kasing si Zyrus. Hindi nagre-reply sa mga text ko. Nakailang text na ako mula kaninang first subject natin,” naiinis na sagot ko.
“Oh? Himala! Bigla mong hinanap si Papa Zyrus ngayon?” sagot ni Bettina.
“Wala lang. Para kasing hindi ko siya nararamdama
