[Zyrus]
Kalalabas ko lang mula sa banyo dito sa kuwarto ko nang marinig ko ang ring tone ng phone ko. Hindi ko man tingnan kung sino ang tumatawag ay may malaki na akong hinala kung sino. Kagabi pa kasi tawag nang tawag si Ysa. Kung ano man ang kailangan niya ay hindi ko alam, dahil wala akong balak sagutin ang tawag niya.
Minabuti kong magbihis na. Alas siyete na ng umaga at ayokong mahuli sa first subject ko. Kagabi pa rin ako nag-iisip kung paano ko lubusang maiiwasan si Ysa. Kung kinakailangang sa Amerika na ako mag-aral ay gagawin ko. Magkaroon lang ako ng peace of mind araw-araw.
Pagkatapos magbihis ay dinampot ko na ang duffle bag ko kung saan nakalagay ang mga damit ko na gagamitin mamaya sa practice sa basketball.
Wala sana akong balak suma
